الذكاء الاصطناعي في التسويق والمحتوى

بِسْمِ الله نِبْدَأ، وَنُصَلِّي وَنُسَلِّم عَلَى نَبِيِّنَا وَحَبِيبِنَا مُحَمَّد.

التسويق والمحتوى من أكثر المجالات اللي استفادت من الذكاء الاصطناعي.

لكن هنا تبان مشكلة مشهورة:

الناس تنتج أكثر، لكن مو دائمًا تنتج أحسن.

الذكاء الاصطناعي يقدر يساعدك في الأفكار، العناوين، النسخ الأولية، إعادة الصياغة، وتحويل المحتوى من شكل إلى شكل.

لكن لو ما عندك رسالة واضحة، راح يزيد الضجيج بدل ما يزيد القيمة.

خلينا نقربها بمثال بسيط.

لو عندك فكرة مقال، تقدر تطلب من الذكاء الاصطناعي يقترح لك: عنوان. مقدمة. نقاط رئيسية. منشور LinkedIn. أو نسخة قصيرة للنشرة.

هذا يوفر وقت، خصوصًا في البداية.

لكن الخطر إنه المحتوى يطلع عام، مكرر، ويشبه كل شيء موجود في الإنترنت.

علشان كذا، أهم شيء قبل استخدام الذكاء الاصطناعي في المحتوى هوا:

ايش الرسالة؟ مين الجمهور؟ ايش التجربة أو الرأي اللي يميزك؟ وايش الشيء اللي ما تبغى تقوله؟

الذكاء الاصطناعي ممتاز في التسريع. لكنه ما يصنع هوية من لا شيء.

لو أعطيته فكرة عامة، يطلع لك كلام عام. ولو أعطيته تجربة، زاوية، حدود أسلوب، وأمثلة جيدة، يعطيك نسخة أولية أقرب لصوتك.

في التسويق، استخدمه في ثلاث مناطق:

الأولى: توليد الأفكار. اطلب منه زوايا مختلفة، أسئلة الجمهور، أو أخطاء شائعة في الموضوع.

الثانية: النسخ الأولية. خليه يبدأ النص، بعدين إنتا تضيف التجربة، الرأي، والأمثلة.

الثالثة: إعادة التوزيع. تحول المقال إلى منشور، والمنشور إلى Thread، والفكرة إلى نقاط Carousel.

لكن لا تخليه ينشر مكانك بدون مراجعة.

خصوصًا لو المحتوى باسمك أو باسم علامتك.

لأنه الخطأ هنا مو لغوي بس. الخطأ ممكن يضعف الثقة، أو يعطي وعد، أو يغير نبرة العلامة.

الزبدة: الذكاء الاصطناعي في التسويق مفيد جدًا، لكنه ما يعوض الرسالة الواضحة.

استخدمه لتسريع التفكير والكتابة وإعادة التوزيع.

لكن حافظ على صوتك، تجربتك، ورأيك.

لا تنشر لأنه النص جاهز. انشر لأنه واضح، مفيد، ويمثلك.